RUS TILI SAVODXONLIGI
Savodxonligingizni oshira turib, aql-idrokingizni ham oshirasiz!
50-dars.Qo’shma so’zlarda ikkilangan undosh harflar
1.Главный врач, поселковый совет, родильный дом – dastlab aynan mana shunday yozilgan!
Ammo so’zlashuv chog’ida odamlar so’zlar birikmasini qisqartirib, ularni so’zlarga aylantirib yubordilar. Shunday qilib, главный врач – главврач ga, поселковый совет – поссовет ga, родильный дом – роддом ga aylanib ketdi.
Demak, eslab qoling! Qo’shma so’zlarga agar birinchi so’z qisqatmasi hamda ikkinchi so’z boshlanishi bir xil undosh harf bo’lsa, so’z o’rtasida o’sha undosh harf ikkilanib yoziladi:
главный врач - главврач
поселковый совет – поссовет
родильный дом – роддом
2.Граммофонная пластинка, групповой комитет, групповой организатор, конный армеец – mazkur so’z birikmalari ham keyinchalik qo’shma so’zlarga aylangan (ikkilangan harfli so’zlarga e’tibor bering). Birinchi punktdagi so’z birikmalaridan farqli o’laroq mazkur so’z birkmalaridan tashkil topgan qo’shma so’zlarda ikki so’z qo’shiladigan joyda ikkilangan harflar yo’q, masalan:
граммофонная пластинка – грампластинка
групповой комитет – групком
групповой организатор – групорг
конный армеец – конармеец
Eslatib o’tamiz, ikkilangan undosh harflar qatnashgan qo’shma so’zlar juda kam. Shuning uchun bunday so’zlarni va ularning to’g’ri yozilishini eslab qoling.
Keyingi darslarimizda biz so’z tarkibida ikkilangan undosh harflar yozilishi mavzusini yana davom ettiramiz.
27- hamda 28-darslarni takrorlang va bilimingizni sinab ko’ring!
Bilim olishdan charchamang!
Darslarimiz haqidagi fikr-mulohazalaringizni sharhlarda yozib qoldiring!
