RUS TILI SAVODXONLIGI
Savodxonlik – mukammallik belgisidir!
9-dars. Ни- chastitsa (yuklama) si so’zlar bilan qo’shilib yoziladimi yoki alohidami? (Birinchi qism)
Ushbu mavzu bo’yicha bir necha pozitsiyalar mavjud. Ularni ketma-ketlikda ko’rib chiqamiz va batafsil o’rganamiz.
Avvalam bor eslab qoling: ни- yuklamasi hamisha urg’usizdir! ( не- yuklamasidan farqli o’laroq – buni biz keyingi darslarda ko’rib chiqamiz).
Inkor ma’nosini bildiruvchi никто, ничто, никакой, ничей kabi mestoimeniye (olmosh) larda hamda никогда, нигде, никуда, ниоткуда, никак, нипочём kabi narechiye (ravish) larda ни- yuklamasi so’zga qo’shilib yoziladi. Agar inkor ma’nosini bildiruvchi никто, ничто, никакой, ничей mestoimeniyelari vositali padejda predlog bilan kelsa, ни- yuklamasi alohida yoziladi:
Он ни к кому не обратился.
Это всё ни к чему не приведёт.
Мы ни на чьей стороне.
Ни в какую сторону не сворачивай.
Agar gapda inkor ma’nosi bo’lsa, ни- yuklamasi boshqa so’zlar bilan alohida yoziladi:
Ни одного дерева не срубили в этом году.
Она ни слова не промолвила.
Diqqat! Ma’nosiga e’tibor bering va farqiga boring:
Ни один из нас (никто) не струсил в минуту опасности. - Не один из нас (много) готов на подвиг.
Ни разу (никогда) с ним не встречался. - Не раз (часто) с ним встречался.
Rus tili nutqimizni mukammallashtiramiz:
9-darsning birinchi qismini yaxshiroq o’zlashtirish uchun havola orqali kirib, “Араб-простофиля” audio-ertagini bepul yuklab oling:
a) ertakni ketma-ket bir necha bor tinglang;
b) so’zlari dars mavzusiga mos kelgan gaplarni ajratib yozib oling;
d) gaplarni bir necha marotaba qayta-qayta o’qing va o’zingizni diktofonga yozib oling;
e) ertakni boshidan oxirigacha ayting va uni ham diktofonga yozib oling – so’ngra yozuvingizni audio-ertak bilan taqqoslang!
Bilim olishdan charchamang!
4- va 5- darslarni takrorlang – olgan bilimingizni yana bir bor tekshirib ko’ring!
Keyingi dars – mavzuning davomi bo’ladi! Savol va sharhlaringizni kutib qolamiz!
