Gafur G‘ulom — XX asr o‘zbek adabiyotining mashhur shoir, yozuvchi va publitsisti. U 1903-yilda Toshkent shahrida kambag‘al oilada tug‘ilgan. Yoshligida otasidan ayrilib, hayotning og‘ir sinovlarini erta boshdan kechirgan.
U bolaligidan adabiyotga qiziqqan, ko‘p kitob o‘qigan va she’rlar yoza boshlagan. Uning ilk asarlari oddiy insonlarning hayoti, mehnati va orzulariga bag‘ishlangan. 1920–1930-yillarda u o‘zbek adabiy hayotida faol ishtirok etdi va yetuk ijodkor sifatida shakllandi. U she’riyat bilan birga nasr janrida ham ijod qildi.
Ikkinchi jahon urushi yillarida Gafur G‘ulom vatanni himoya qilish, insonparvarlik va mehr-oqibat mavzularida asarlar yozdi. Uning eng mashhur asarlaridan biri “Sen yetim emassan” dostoni bo‘lib, u yetim bolalarga bo‘lgan mehr va g‘amxo‘rlikni ifodalaydi.
Urushdan keyin ham u ijodini davom ettirib, ko‘plab she’rlar va hikoyalar yaratdi.
Gafur G‘ulomning eng mashhur asarlari:
*“Sen yetim emassan” — urush yetimlariga bag‘ishlangan doston
*“Shum bola” — sho‘x va quvnoq bolaning sarguzashtlari haqida qissa
*“Yodgor” — inson taqdiri va hayotiy qadriyatlar haqida asar
*Vatan, mehnat va inson haqida lirik she’rlar
*Hajviy va bolalar hikoyalari
Ayniqsa “Shum bola” asari o‘zining hazil-mutoyiba ruhi va jonli tasvirlari bilan o‘zbek adabiyotida juda mashhur.
Gafur G‘ulom o‘zbek adabiyotiga katta hissa qo‘shgan ijodkor bo‘lib, uning asarlari bugungi kungacha sevib o‘qiladi va o‘rganiladi.
Toshkentdagi metro bekatlaridan biri, mashhur istirohat bog‘i, Toshkent ko‘chalaridan biri hamda adabiyot va san'at nashriyoti G’afur G’ulom nomi bilan ataladi.
E’tiboringizga Audiobook.uz saytida o’qib eshittirilgan “Shum bola” qissasining audioversiyasini taqdim etamiz. Suxandon aktyor va rejjisyor Shomahmud Shorasulov.