Fraziologik iboralar qatnashgan gaplar

Posted by Dilya Usmanova on

1.Tursunoy dunyoga kelganida, bungacha farzandlari turmay, yuragini oldirib qo’ygan ota-onasi qo’rquv va hadikdan suyunishni ham, yig’lashni ham bilishmay qolgan ekan.

2.Bayramga xotiniga gul sovg’a qilmoqchi bo’lgan Bozorvoy narxlarni ko’rib, tarvuzi qo’ltig’idan tushib ketdi.

3.Ammo gul sovg’a qilsa, xotinining bahri dili ochilishini o’ylab, gulni sotib olishga qaror qildi.

4.Darhaqiqat, eshikdan qo’lida gul bilan kirib kelayotgan erini ko’rgan ayolning boshi osmonga yetdi.

5.Ustomon jinoyatchilar o’ljalarini qo’ldan chiqarmaslik uchun gohi “Qo’y og’zidan cho’p olmagan” yumshoq ko’ngil ko’rinsalar, gohida esa bo’ri kabi tajovuzkordirlar.

6.O’gli Tursunboyning begona ayollar bilan tushgan rasmini ko’rgan Anzirat buvining “tepa sochi tikka bo’ldi”.

7.Har xil odamlar bor, ba’zilarning muomalasidan, tomdan tarasha tushganday beriladigan savollaridan ensangiz qotadi.

8.Radioga kelgan xatlardan birida bir beva ayol faqirligidan, oilaning tayanchi bo’lmish turmush o’rtog’ini yo’qotganidan, yo’qchilikka har qancha sabr qilmasin, ba’zan sabr kosasi to’lib ketayotganidan shikoyat qiladi.

9.Onasi oddiy kelishmovchilikdan arazlab, uyiga qaytib kelgan Karomatga to’g’ri yo’l ko’rsatish o’rniga pashshadan fil yasab, muammoni bo’rttirib yubordi.

10.Elning buyukligi soni salmog’ida emas, eng avvalo yurt boshiga kulfat tushganida, unga bir yoqadan bosh chiqarib, qarshi kurasha olishida, yuksak ma’naviyati va madaniyatida ko’rinadi.

Audio kitoblar, ertaklar uzbek va rus tilarda Telegram kanalimizda tekin bepul eshitish Audio kitoblar, ertaklar uzbek va rus tilarda Telegram kanalimizda tekin bepul eshitish



0 comments

Leave a comment

Please note, comments must be approved before they are published