RUS TILI SAVODXONLIGI
Savodingiz oqsayabdimi? – Uni oshiring!
55-dars. Чересчур – qo’shib yoziladi!
Do’stlar! Oxirgi vaqtlarda keng qo’llaniladigan mazkur so’zning черес чур yohud через чур, deb xato yozilishi ko’p uchramoqda!
Eslab qoling! Ushbu narechiye faqat va faqat shunday yoziladi: чересчур!
Bu so’zning ma’nosi esa – sifat, miqdor va hokazolarning haddan tashqari kuchayganligini bildiradi; judayam, o’ta, nihoyatda.
Misollarda ko’rib chiqamiz:
- Эти яблоки чересчур дорогие.
- В эту зиму выпало чересчур много снега.
- Мужчина вёл себя чересчур заносчиво и вызывающе.
- Ну, хватит! Это уже чересчур!
- Вы чересчур преувеличиваете! Всё далеко не так страшно.
Qiziq ma’lumot!
Bu so’z dastlab (judayam qadim davrda) boshqa ko’rinishda edi va через чур, deb yozilardi. Uzoq o’tmishda yer sarhadlarini himoya qiluvchi qabila ilohining nomi Чур yoki Щур bo’lgan. Чур so’zidan чурки va чурбаны, ya’ni sarhadlarni bildiruvchi chegara belgilari kelib chiqqan. Shuning uchun «Через чур» so’zi «за предел, за ограничение, за границу, за грань ma'nolarini bildiradi.
Mazkur ibora bugungi kungacha yetib kelgan, ammo uning yozilishida o’zgarishlar ro’y bergan: predlog so’zga qo’shilib ketgan, «з» harfi esa «с» ga aylanib, hozirgi holatga kelgan – чересчур.
Topshiriq. Yozishmalaringizda keng foydalanadigan narechiyelar ro’yxatini tuzib chiqishingizni tavsiya etamiz. Qanday yozilishini aniq biladigan narechiyelarni chap tarafga, yozilishida xato bor yo’qligiga ikkilanadigagan narechiyelarni esa o’ng tomonga yozib, mazkur darsga sharh sifatida bizga yuboring. Ular keyingi darsning mavzusi bo’lishi mumkin.
Bilim olishdan charchamang!
